मोटोरोलाने Moto Buds 2 ट्रू वायरलेस स्टिरिओ इअरबड्स लाँच केले आहेत. तीन रंगांच्या पर्यायांमध्ये उपलब्ध असलेल्या या इअरबड्सची बॅटरी चार्जिंग केससह एकदा चार्ज केल्यावर 48 तासांपर्यंत टिकते, असा कंपनीचा दावा आहे. यामध्ये ड्युअल 11 मिमी डायनॅमिक ड्रायव्हर सेटअप असल्याने हे इअरबड्स दमदार बेस देतात. चला तर मग मोटोच्या या उत्तम बेस असलेल्या इअरबड्सची किंमत आणि फिचर्स जाणून घेऊयात.
भारतात Moto Buds 2 ची किंमत
या नवीन मोटोरोला इअरबड्सची भारतात किंमत 2 हजा 999 रूपये आहे. तर हे बड्स 25 मे पासून फ्लिपकार्ट आणि मोटोरोलाच्या वेबसाइटवर विक्रीसाठी उपलब्ध होतील. हे TWS इअरबड्स पॅन्टोन कार्बन, पॅन्टोन ग्रे मिस्ट आणि पॅन्टोन व्हायोलेट आइस या तीन रंगांच्या पर्यायांमध्ये उपलब्ध आहेत.
मोटो बड्स 2 ची फिचर्स
या नवीन TWS मध्ये ड्युअल 11मिमी डायनॅमिक ड्रायव्हर्स आहेत, जे उत्तम बेस आणि अधिक सुस्पष्ट उच्च फ्रिक्वेन्सी देतात असा दावा केला जातो. कंपनीचा दावा आहे की ते धूळ आणि पाण्यापासून संरक्षणासाठी IP54 रेटेड आहेत. ते ड्युअल कनेक्शन आणि ऑटो-स्विचिंगला, तसेच ब्लूटूथ व्हर्जन 6.0 कनेक्टिव्हिटीला सपोर्ट करतात. हे TWS AAC, SBC, LHDC5, आणि LHDC4 कोडेक्स आणि हाय-रेस ऑडिओला देखील सपोर्ट करतात.
या नवीनतम इअरबड्समध्ये प्ले आणि पॉजसाठी जेश्चर कंट्रोल्सची सुविधा आहे. तसेच हे बड्स सुसंगत मोटोरोला स्मार्टफोन्स आणि डिव्हाइसेससोबत मोटो एआयला (Moto AI) सपोर्ट करतात. याशिवाय यामध्ये उच्च एसएनआर (SNR) सह सहा-मायक्रोफोन सेटअप आहे.
यात डायनॅमिक ॲक्टिव्ह नॉइज कॅन्सलेशन (ANC) देखील आहे, जे सभोवतालचा आवाज 55dB पर्यंत कमी करते असा दावा केला जातो. हे स्पॅशियल ऑडिओला देखील सपोर्ट करते. प्रत्येक इअरबडमध्ये 62mAh बॅटरी आहे, जी एका चार्जवर11 तासांपर्यंत बॅटरी लाईफ देते असा दावा केला जातो. कंपनीचा दावा आहे की चार्जिंग केससह हे TWS 48 तासांपर्यंत बॅटरी लाईफ देईल.
