गेल्या काही दिवसांपासून नाशिक येथील TCS कंपनी चांगलीच चर्चेत आहे. या कंपनीतील लैंगिक छळ आणि धर्मांतर प्रकरणातील आरोपी निदा खानबाबत आता मोठी अपडेट समोर आली आहे. टीसीएस कंपनीने निदा खानविरोधात मोठे पाऊल उचलले आहे. तसेच आज निदा खान प्रकरणी कोर्टात सुनावणी होणार आहे. आता टीसीएसचा मोठा निर्णय नेमका काय आहे ते जाणून घ्या…
नेमकं निर्णय काय?
टीसीएस (टाटा कन्सल्टन्सी सर्व्हिसेस) कंपनीने निदा खानला सस्पेंड केले आहे. निदा खानवर गंभीर आरोप असल्याने आणि ती सध्या कस्टडीत असल्याने आपल्या कर्तव्यांचे पालन करू शकत नाही, असे कारण देत कंपनीने 9 एप्रिल 2026 रोजी तिला सस्पेंड करण्याचे पत्र दिले आहे. निदा खान 27 डिसेंबर 2021 रोजी टीसीएसमध्ये प्रोसेस असोसिएट म्हणून रुजू झाली होती.
एचआर हेडने घेतला मोठा निर्णय
सस्पेंड ऑर्डर तात्काळ जारी करण्यात झाली असून, त्यात तिचे नेटवर्क अॅक्सेस बंद करणे, कंपनीचे सर्व सामान परत करणे, ऑफिस किंवा वर्क फ्रॉम होमवर येण्यास मनाई, कर्मचाऱ्यांशी या प्रकरणाबाबत संपर्क न ठेवणे आणि पूर्ण गोपनीयता राखणे अशा अटी आहेत. या आदेशाचे पालन न केल्यास अतिरिक्त शिस्तभंगाची कारवाई केली जाईल, असे स्पष्ट करण्यात आले आहे. हे आदेश पुणे, नाशिक आणि गोवा प्रदेशाचे एचआर हेड शेखर कांबळे यांनी जारी केले आहेत.
निदा खानच्या जामीन अर्जावर आज सुनावणी होणार आहे. न्यायालय जामीन मंजूर करेल की फेटाळेल, याकडे सर्वांचे लक्ष लागले आहे. गेल्या काही दिवसांपासून नाशिक पोलिसांचे पथक निदा खानच्या शोधात आहे. निदा खान गरोदर असल्याची देखील माहिती आली होती समोर. निदा खानच्या वकिलानी अटकपूर्व जामीनसाठी नाशिक न्यायालयात अर्ज केला आहे. कायद्याचे तज्ज्ञ म्हणतात की, प्रकरणाची गांभीर्यता लक्षात घेता या निर्णयाचा तपास प्रक्रियेवर मोठा परिणाम होऊ शकतो.
याशिवाय, महाराष्ट्र महिला आयोगाने या आरोपांची चौकशी करण्यासाठी फॅक्ट फाइंडिंग समिती स्थापन केली आहे. आज २० एप्रिल रोजी समितीची तिसऱ्या दिवशी देखील चौकशी सुरू आहे. या प्रकरणाने कॉर्पोरेट आणि सामाजिक स्तरावर मोठी चर्चा सुरू झाली आहे. टीसीएसने आपल्या धोरणानुसार कठोर कारवाई केली असून, कायद्याची प्रक्रिया वेगाने सुरू आहे. न्यायालयाचा निर्णय आणि आयोगाच्या अहवालानुसार प्रकरणाची दिशा स्पष्ट होईल.
