इराणसोबतच्या युद्धात अमेरिका कुठे ना कुठे मागे पडल्याचे बघायला मिळत आहे. इराणकडून थेट होर्मुज खाडी बंद करण्यात आल्याने अमेरिकेसह अनेक देश संकटात आहेत. अमेरिकेने ही खाडी सुरक्षित करण्याकरिता मोठे पाऊल उचलली. फक्त पाऊलेच नाही तर अमेरिकेने थेट भूमिका घेत काही देशांना होर्मुज खाडीत युद्धनाैका पाठवण्याचे आवाहन केले. मात्र, अमेरिकेच्या मदतीला एकही देश पुढे आला नाही. एकला चलो रे ची भूमिका घेत अमेरिकेने काही हल्ले होर्मुज खाडीत केले आणि ती सुरक्षित करण्याचा प्रयत्न केला. पण होर्मुज खाडी इराणच्या तावडीतून घेऊन सुरक्षित करणे शक्य नसल्याचे लक्षात येताच अमेरिकेने होर्मुज खाडी सुरक्षित करण्याची जबाबदारी अमेरिकेची नसल्याचे सांगत हात झटकून टाकले. यासोबतच जे देश ही खाडी वापरतात त्यांची ही खाडी सुरक्षित करण्याची जबाबदारी असल्याचे म्हटले.
अमेरिका युद्धात चारही बाजूने घेरल्यानंतर इराण अधिक घातक झाला असून मोठे क्षेपणास्त्र हल्ले इराणकडून केले जात आहेत. इराणकडून हिंद महासागरातील अमेरिका आणि ब्रिटेनच्या सैन्य बेस डिएगो गार्सियावर बैलिस्टिक मिसाईलच्या माध्यमातून हल्ला केला. हा अमेरिकेसाठी मोठा घाव आहे.
याच हिंद महासागरात अमेरिकेने इराणी युद्धनाैकेवर भारतातून युद्ध सराव करून जाणाऱ्या हल्ला केला होता. ज्यात 85 इराणी सैनिक मारले गेले होते. यादरम्यानच दुबईमध्येही मोठा हल्ला इराणकडून करण्यात आला. अनेक भागात बॉम्ब हल्ल्याचे मोठे आवाज आली. इराणचे विदेश मंत्र सय्यद अब्बास अरघची यांनी ब्रिटनचे प्रधानमंत्री कीर स्टार्मर यांच्यावर मोठी टीका केली.
अराघची यांनी म्हटले की, स्टार्मर हे त्यांच्या लोकांच्या विरोधात जाऊन ब्रिटिश ठिकाणांना इराणविरोधात वापरण्याकरिता देत आहेत. थेट इशारा देत त्यांनी म्हटले की, ब्रिटिश नागरिक धोक्यात आहेत. इराण आपले संरक्षण करण्याकरिता सक्षम आहे. आमचे स्पष्ट मत आहे की, ब्रिटनची ही भूमिका म्हणजे ते थेटपणे या युद्धात उतरत आहेत. आता इराण थेट ब्रिटनवर संतापल्याचे बघायला मिळत आहे. इराण या युद्धात घातक भूमिका घेताना दिसत आहे.
