तुम्ही जर 25 हजार रुपयांच्या बजेटमध्ये उत्तम फीचर्स असलेला नवीन फोन शोधत असाल तर तुम्हाला या रेंजमध्ये Motorola Edge 60 Fusion हा स्मार्टफोन खरेदी करता येईल. हा फोन 12 जीबी रॅम आणि 5500mAh क्षमतेच्या मोठ्या बॅटरीसह येतो. चला जाणून घेऊया की या फोनची किंमत किती आहे आणि त्यात कोणते जबरदस्त फीचर्स आहेत.
भारतातील Motorola Edge 60 Fusion ची किंमत
हा मोटोरोला ब्रँडचा फोन फ्लिपकार्टवर 24 हजार 999 रूपयांच्या किमतीत खरेदी करता येणार आहे. या किमतीत तुम्हाला या फोनमध्ये 12 GB रॅम आणि 256GB स्टोरेजचा व्हेरिएंट मिळेल. हा फोन चार रंगांच्या पर्यायांमध्ये उपलब्ध आहे. तसेच जी लोकं स्मार्टफोन खरेदी करताना अतिरिक्त सवलत शोधत आहेत, त्यांना ICICI आणि Axis बँकेच्या क्रेडिट कार्डने पेमेंट केल्यास 1 हजार रूपयांची सूट मिळू शकते. याच फोनचा 12GB/256GB व्हेरिएंट ॲमेझॉनवर 24 हजार 920 रूपयाला विकला जात आहे.
Motorola Edge 60 Fusion चे पर्याय
या फोनच्या स्पर्धेबद्दल बोलायचे झाल्यास, 25 हजारांपेक्षा कमी किमतीचा हा फोन Vivo T5x 5G, Nothing Phone (3a) Lite, OPPO K13 Turbo 5G, REDMI Note 15 5G, IQOO Z10 5G आणि Realme P4 5G सारख्या मॉडेल्सशी स्पर्धा करतो.
Motorola Edge 60 Fusion फिचर्स
स्क्रीन: या फोनमध्ये 1.5K रिझोल्यूशन, 120Hz रिफ्रेश रेट आणि 4500 nits पीक ब्राइटनेस असलेला 6.7-इंचाचा कर्व्ह्ड डिस्प्ले आहे. यात गोरिला ग्लास 7i चे संरक्षण आहे.
प्रोसेसर: वेग आणि मल्टीटास्किंगसाठी, मोटोरोलाच्या या मिड-रेंज फोनमध्ये मीडियाटेक डायमेन्सिटी 7400 प्रोसेसर वापरण्यात आला आहे.
कॅमेरा: मागील बाजूस ५०-मेगापिक्सलचा सोनी LYT 700C प्रायमरी सेन्सर, तसेच १३-मेगापिक्सलचा अल्ट्रा-वाइड सेन्सर आहे, जो मॅक्रो आणि डेप्थ सेन्सर म्हणूनही काम करतो. समोरच्या बाजूस ३२-मेगापिक्सलचा सेल्फी कॅमेरा देखील आहे.
बॅटरी: फोनला पॉवर देण्यासाठी 5500mAh क्षमतेची बॅटरी देण्यात आली आहे, जी 68W फास्ट चार्जिंगला सपोर्ट करते.
