स्वयंपाकघरातील चिमणी तसेच टाईल्सवरील तेलकट व चिवटपणा काढण्यासाठी खूप मेहनत करावी लागते. कारण स्वयंपाक करताना गॅसच्या अवतीभोवती मसाल्याचे, तेलाचे अनेक चिवट पिवळे डाग दिसू लागतात आणि हे डाग सहज साफ करता येत नाही. पण अशावेळेस एखादा सोपा, प्रभावी व कमी खर्चाचा उपाय शोधत असाल, तर या किचन हॅक्स अत्यंत उपयुक्त ठरू शकतात. या सोप्या टिप्सचे पालन करून, तुम्ही तुमचे स्वयंपाकघर पुन्हा नव्यासारखे चमकवू शकता आणि त्याची स्वच्छता टिकवून ठेवू शकता. या काही सोप्या घरगुती पद्धती आहेत ज्या तुम्हाला जास्त मेहनत न करता काही मिनिटांत चिवट डाग आणि तेलकटपणा साफ करण्यास मदत करू शकतात. चला तर मग आपले स्वयंपाकघर चकचकीत करण्यासाठी काही स्मार्ट ट्रिक्स जाणून घेऊयात.
व्हिनेगर आणि बेकिंग सोड्याची कमाल
किचनच्या टाईल्स, चिमणी आणि स्लॅबवरील तेलकटपणा काढण्यासाठी व्हिनेगर आणि बेकिंग सोडा हे एक अत्यंत प्रभावी उपाय आहे. प्रथम चिकट तेलटपणा असलेल्या भागावर बेकिंग सोडा लावा, नंतर त्यावर व्हिनेगर स्प्रेच्या साहाय्याने फवारा. तेलकटपणा व चिकटपणा सहज निघावा यासाठी ते काही मिनिटे तसेच राहू द्या. त्यानंतर, स्पंज किंवा ब्रशने हळुवारपणे घासून स्वच्छ पाण्याने धुवा. यामुळे हट्टी तेलकटपणा सहजपणे निघून जातो.
गरम पाणी आणि भांडी धुण्याचे लिक्विड
चिमणी आणि किचनच्या टाईल्सवरील रोजचा तेलकटपणा साफ करण्यासाठी कोमट पाणी आणि डिशवॉशिंग लिक्विडचा उपाय प्रभावी ठरतो. एका भांड्यात कोमट पाणी घ्या आणि त्यात थोडे डिशवॉशिंग लिक्विड मिक्स करा. या मिश्रणात एक कापड किंवा स्पंज बुडवा आणि स्वंयपाकघरातील चिमणी तसेच टाईल्सवरील तेलकटपणा पुसून घ्या. या पद्धतीमुळे तेलकटपणा लवकर निघतो,ज्यामुळे तुमचे स्वयंपाकघर चकचकीत स्वच्छ होते.
लिंबू आणि मीठ वापरून खोलवर स्वच्छता
लिंबामधील आम्ल आणि मिठाची शक्ती चिवट तेलकटपणा काढून टाकण्यास मदत करतात. एक लिंबू अर्धे कापून, त्यावर मीठ लावा आणि ते थेट स्वंयपाकघरातील तेलकट चिवट डाग पडलेल्या भागावर चोळा. थोड्या वेळाने ओल्या कापडाने ते पुसून टाका. यामुळे केवळ तेलकटपणाच निघून जात नाही, तर स्वयंपाकघरात ताजेपणाचा सुगंधही दरवळतो.
बेकिंग सोडा पेस्टने घाण स्वच्छ करा
तुमच्या स्वयंपाकघरात खूप चिवट डाग असेल तर बेकिंग सोड्याची पेस्ट उत्तम ठरू शकते. बेकिंग सोडा थोड्या पाण्यात मिक्स करून एक घट्ट पेस्ट तयार करा. त्यानंतर ही पेस्ट चिवट डाग असलेल्या भागावर लावा आणि 10 ते 15 मिनिटे तशीच राहू द्या. त्यानतर, ब्रशने घासून ओल्या कापडाने पुसून घ्या. यामुळे तेलाचे जाड थरसुद्धा सहजपणे निघून जातात.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
