आयपीएल स्पर्धेच्या 19 व्या मोसमातील 14 व्या सामन्यात यजमान दिल्ली कॅपिटल्स सलग आणि एकूण तिसऱ्या विजयासाठी सज्ज झाली आहे. या मोसमात आतापर्यंत राजस्थान रॉयल्स सलग आणि पहिले 3 सामने जिंकणारी एकमेव टीम आहे. त्यामुळे दिल्लीचा राजस्थानची बरोबरी करण्याचा प्रयत्न असणार आहे. राजस्थान 8 एप्रिलला घरच्या मैदानात अरुण जेटली स्टेडियममध्ये गुजरात टायटन्स विरुद्ध भिडणार आहे. या सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस झाला. दिल्लीच्या बाजूने टॉसचा कॉल लागला. कॅप्टन अक्षर पटेल याने फिल्डिंगचा निर्णय घेतला आहे. अशात गुजरात किती धावा करते हे पाहणं महत्त्वाचं ठरणार आहे.
कॅप्टन शुबमन गिल याचं कमबॅक
दिल्ली विरूद्धच्या सामन्यातून गुजरात टीमचा नियमित कॅप्टन शुबमन गिल याचं कमबॅक झालं आहे. शुबमनच्या कमबॅकमुळे कुमार कुशाग्र याला बाहेर व्हावं लागलंय. शुबमनला दुखापतीमुळे राजस्थान विरूद्धच्या सामन्याला मुकावं लागलेलं. त्यामुळे शुबमनच्या अनुपस्थितीत राशीद खान याने गुजरातच्या नेतृत्वाची धुरा सांभाळली होती. मात्र आता शुबमनचं कमबॅक झालंय. त्यामुळे शुबमन गुजरातला तिसऱ्या सामन्यात पहिला विजय मिळवून देणार का? हे पाहणं महत्त्वाचं ठरणार आहे.
समीर रिझवी इम्पॅक्ट प्लेअर
दिल्ली कॅपिट्ल्सने सलग तिसऱ्या सामन्यातही मॅचविनर समीर रिझवी याला प्लेइंग ईलेव्हनमध्ये संधी दिलेली नाही. समीर तिसऱ्या सामन्यातही इम्पॅक्ट प्लेअर म्हणून खेळणार आहे. समीरने दिल्लीसाठी गेल्या दोन्ही सामन्यांत अर्धशतकी खेळी करुन विजयात प्रमुख भूमिका बजावली आहे. त्यामुळे समीरला इम्पॅक्ट प्लेअर म्हणूनच खेळवण्यात येणार आहे.
दिल्ली पॉइंट्स टेबलमध्ये कितव्या स्थानी?
दरम्यान ताज्या आकडेवारीनुसार, दिल्ली कॅपिट्ल्स पॉइंट्स टेबलमध्ये चौथ्या स्थानी विराजमान आहे. दिल्लीच्या खात्यात 2 सामन्यांनंतर 4 गुण आहेत. दिल्लीचा नेट रनरेट हा +1.170 असा आहे. तर गुजरात सलग 2 पराभवानंतर पॉइंट्स टेबलमध्ये शेवटून दुसऱ्या अर्थात नवव्या क्रमांकावर आहे. गुजरातचा नेट रनरेट हा 0.424 असा आहे. त्यामुळे गुजरात दिल्लीवर मात करुन विजयाचं खातं उघडण्यात यशस्वी ठरणार का? हे पाहणं महत्त्वाचं ठरणार आहे.
गुजरात टायटन्स प्लेइंग ईलेव्हन : शुबमन गिल (कॅप्टन), साई सुदर्शन, जोस बटलर (विकेटकीपर), वॉशिंग्टन सुंदर, ग्लेन फिलिप्स, शाहरुख खान, राहुल तेवतिया, रशीद खान, कागिसो रबाडा, मोहम्मद सिराज आणि अशोक शर्मा.
दिल्ली कॅपिटल्स प्लेइंग इलेव्हन : केएल राहुल (विकेटकीपर), पथुम निसांका, नितीश राणा, विपराज निगम, अक्षर पटेल (कॅप्टन), डेव्हीड मिलर, ट्रिस्टन स्टब्स, कुलदीप यादव, लुंगी एन्गिडी, टी नटराजन आणि मुकेश कुमार.
