IPL 2026, MI vs PBKS: अर्शदीप सिंगची मुंबई इंडियन्सविरुद्ध शतकी खेळी, तिसऱ्या षटकात नोंदवला विक्रमImage Credit source: Punjab Kings Twitter
आयपीएल 2026 स्पर्धेतील 24वा सामना मुंबई इंडियन्स आणि पंजाब किंग्स यांच्यात होत आहे. या सामन्यात पंजाब किंग्सने नाणेपेकीचा कौल जिंकला आणि प्रथम गोलंदाजी स्वीकारली. फलंदाजीला वाटेला आल्याने मुंबई इंडियन्सपुढे मोठी धावसंख्या करण्याचं आव्हान होतं. पण पावरप्लेमध्ये पंजाब किंग्सचा वरचष्मा दिसला. त्यामुळे मुंबई इंडियन्सचा संघ अडचणीत आला. या सामन्यात अर्शदीप सिंगने मुंबई इंडियन्सच्या खेळाडूंना अडचणीत आणलं. पहिल्या षटकात अर्शदीप सिंगने फक्त एक धाव दिली आणि रियान रिकल्टनला गोलंदाजीत चकवा दिला. या दोघांचा तिसऱ्या षटाकत पुन्हा सामना झाला. पहिल्या चेंडूचा सामना करण्यासाठी रिकल्टन समोर होता. पण पहिल्याच चेंडूवर त्याने रिकल्टनला बाद केलं. षटकार मारण्याचा प्रयत्न केला पण सीमेवर शशांक सिंगने त्याचा अप्रतिम झेल पकडला. यासह अर्शदीप सिंगने आयपीएल स्पर्धेत विकेटचं शतक पूर्ण केलं.
आयपीएल स्पर्धेत रिकल्टनची विकेट पडल्यानंतर सूर्यकुमार यादव फलंदाजीला आला. पण पहिल्याच चेंडूवर त्याला चालतं केलं. त्यामुळे मुंबईचा संघ अडचणीत आला. मागच्या 11 सामन्यातील प्रदीर्घ विश्रांतीनंतर अर्शदीप सिंगने पावरप्लेमध्ये विकेट घेतली. 21.1 षटक टाकल्यानंतर त्याला पावरप्लेमध्ये विकेट मिळाली आहे. एक नाही तर दोन विकेट काढल्या. तर डावखुरा वेगवान गोलंदाज म्हणून 100 विकेट घेणारा पाचवा गोलंदाज ठरला आहे. ट्रेंट बोल्टने 144. जयदेव उनाडकटने 114, आशिष नेहराने 106, झहीर खानने 102 आणि आता अर्शदीप सिंगने 101 विकेट घेतल्या आहेत.
टी20 क्रिकेटमध्ये अर्शदीप सिंग आणि रायन रिकल्टन यांचा 7 डावात आमनासामना झाला आहे. यात रिकल्टनने अर्शदीपच्या 43 चेंडूंचा सामना केला. यात 51 धावा दिल्या आणि तीन वेळा विकेट काढली.
