अहमदाबादच्या शिलज परिसरात एक धक्कादायक घटना घडली आहे. भाच्यानेच आत्याच्या नवऱ्याचा खून केल्याने उदयपूर पोलिसांनी त्याला अटक केली आहे. अटकेनंतर पोलिसांनी या भाच्याची कसून चौकशी केली. त्यावेळी पोलिसांना धक्कादायक माहिती समजली. पोलिसी खाक्या दाखवताच आरोपी बकाबका ओकला. त्याने सर्व काही सांगून टाकलं. पण ते ऐकल्यानंतर पोलिस मात्र हादरूनच गेले. हत्येच्या दिवशी आत्याच्या नवऱ्याने भाच्याला त्यांच्या घरातून पैसे आणि महिलांचे अंडरगार्मेंट्स चोरताना रंगे हाथ पकडलं. आपली चोरी पकडल्या गेल्याने बदनामी होईल या भीतीने त्याने आत्याच्या नवऱ्याचा गळाच आवळून त्याला मारून टाकलं. धक्कादायक म्हणजे आरोपीला महिलांचे कपडे घालण्याचा शौक होता. त्याला एक प्रकारे मानसिक आजारच जडला होता, अशी धक्कादायक माहितीही समोर आली आहे.
दोन महिन्यापूर्वी अहमदाबादच्या शिलज येथील अवनीश हाइट्समध्ये राहणारे मनीषभाई त्यांच्या फ्लॅटमध्येच मृतावस्थेत आढळले. मृतदेह दिसल्यानंतर मनीषभाईंच्या मुलाने पोलिसांना तात्काळ याची खबर दिली. बोपल पोलिसांनी घटनास्थळी धाव घेऊन चौकशीही सुरू केली. चौकशी दरम्यान मनीष भाई यांच्या मेव्हण्याचा मुलगा ब्रज सोनी गायब असल्याचं दिसून आलं. ब्रज हो गेल्या दहा दिवसांपासून घरीच असल्याचं समजलं. पोलिसांनी फ्लॅटचे सीसीटीव्ही फुटेज चेक केले. त्यात ब्रज सोनी पहाटे पहाटेच पार्किंगमधून मनीषभाईंची कार घेऊन जाताना दिसला. त्यानंतर पोलिसांनी मनिषभाई यांच्या घराची तपासणी केली. त्यात मनिषभाईंच्या घरातून पाच लाख रुपये चोरीला गेल्याचं आढळून आलं. पोलिसांनी मग चोरीचं प्रकरण नोंदवून त्या दिशेने तपास सुरू केला.
उदयपूरला पळाला
अहमदाबाद ग्रामीण पोलिस ठाण्याचे एसपी प्रकाश जाट यांनी या प्रकरणाची माहिती दिली. तपास करताना पोलिसांना आढळून आले की ब्रज सोनी हत्येनंतर मृतक व्यक्तीची कार घेऊन उदयपूरला गेला होता. त्यानंतर पोलिसांची एक टीम उदयपूरला गेली. पोलिसांनी ब्रजला अटक केलं. आरोपीकडून पोलिसांनी लुटलेल्या पैशांपैकी दोन लाख रुपये जप्त केले. तसेच त्याने चोरलेले महिलांचे अंडरगारमेंट्सही पोलिसांनी जप्त केले, असं एसपी प्रकाश जाट यांनी सांगितलं.
घरच्यांना माहीत होतं
आरोपीने चोरी करत असताना मनिष भाईला पाहिलं होतं. त्यामुळे त्याने आपली बदनामी होऊ नये म्हणून मनिष भाईची हत्या केली. मनिषभाईंची हत्या केल्यानंतर आत्याचे अंडरगार्मेंट्स घेऊन तो फरार झाला. आरोपीला महिलांचे कपडे घालण्याचा शौक होता. विशेष म्हणजे त्याच्या घरच्यांना ही गोष्ट माहीत होती. आरोपीने या पूर्वी मनिष भाईंच्या घरातील 25 हजार रुपये चोरले होते. त्यावेळी कुटुंबातील लोकांनी त्याला बेदम मारहाण केली होती. पण दुसऱ्यांदा मनिषभाईंच्या घरी चोरी करताना त्याने हत्याकांडच घडवून आणल्याने सर्वच सुन्न झाले आहेत.
