मीरा रोड नंतर आता मुंबई मधील घाटकोपरच्या सागर पार्क सोसायटी मध्ये बकरा कुर्बानीला विरोध होत आहे. मीरा रोड मध्ये बकरा कुर्बानीवरुन मोठा वाद झाला. विषय हाणामारीपर्यंत पोहोचला. तिथल्या घटनेनंतर आता घाटकोपर मधील सागर पार्क सोसायटी मध्ये विरोध होत आहे. या सोसायटीत गेल्या 30 वर्षा पासून बकरा कुर्बानी सुरु होती. काल मध्य रात्री अचानक BMC ने बकरा कुर्बानीची परवानगी रद्द केली. “बकरा कुर्बानी सोसायटीच्या आवारात नाही करणार. महापालिकेने आम्हाला दुसरी जागा उपलब्ध करून द्यावी. आम्ही तिकडे बोकड कुर्बानी करणार. आम्हाला कुठेही सोसायटीचं नाव खराब करायचं नाही” असं इथे राहणाऱ्या नागरिकांनी सांगितलं.
आज या सोसायटीमध्ये किरीट सोम्यादेखील दाखल होणार आहेत. त्या अगोदर मोठ्या प्रमाणात पोलीस बंदोबस्त लावण्यात आला आहे. पोलिस आणि स्थानिकांचा आपसात वाद वाढला. राज्य राखीव तुकडी सागर सोसायटी मध्ये दाखल.
किरीट सोमय्या काय म्हणाले?
“कुर्बानीसाठी 22-23 बकरे नेण्यात आलेत. या सोसायटीत उद्या कुर्बानी होऊ देणार नाही. सागर पार्क सोसायटी या ठिकाणी ठेवण्यात आलेल्या 31 बोकडा पैकी 23 बोकड मुंबई महानगरपालिकेने ताब्यात घेतली आहेत. यापुढे एकाचीही कुर्बानी या ठिकाणी दिली जाणार नाही. कुर्बानीसाठी मुंबई महापालिका त्यांना योग्य ठिकाणी जागा देत आहे” असं किरीट सोमय्या यांनी सांगितलं.
“सुरक्षा राखणं हे पोलिसांचं काम आहे. प्रत्येक जागेवर सोमय्या जाणार का?. आम्हा इथे कुर्बानी होऊ देणार नाही. दोन दिवसांपूर्वी हिंदु रस्त्यावर उतरले म्हणुन हे घाबरले” असं किरीट सोमय्या म्हणाले.
संजय शिरसाट काय म्हणाले?
“सोसायटीमध्ये तुम्ही असे कत्तलखाने तयार करू शकत नाहीत. निश्चित सण आहे, ज्या ठिकाणी कत्तली होतात त्याला आपण खाटीक खाणे म्हणतो त्या ठिकाणी काय केलं ते तो भाग वेगळा. परंतु सोसायटीत ज्या ठिकाणी लोक राहतात त्या ठिकाणी हत्या करणे हे बरोबर नाही. त्याला कोणीही पाठिंबा देत नाही” असं संजय शिरसाट म्हणाले.
