अलीकडेच मुंबईचं टेन्शन वाढवणारी बातमी समोर आली आहे. कालच दिल्लीतील पोलिसांनी मुंबईतील दादर स्थानक उडवण्याचा कट करणाऱ्यांना अटक केली यांनतर आज मुंबईतील भुलेश्वर या ठिकाणी एका दुकानाच्या बाहेर बेवारस बॅग सापडल्याने खळबळ उडाली आहे . ही माहिती मिळताच पोलीसही अलर्ट झाले आहेत. पोलीस यंत्रणेने घटनास्थळी धाव घेतली आहे. बॉम्ब निरोधक पथकाला पाचारण करण्यात आलं असून पथक येईपर्यंत हा परिसर सील करण्यात आला आहे. यामुळे परिसरात भीतीचे वातावरण आहे. या बॅगेबद्दल माहिती मिळताच पोलिसांनी घटनास्थळी धाव घेतली. एका दुकानाबाहेर ही बॅग ठेवण्यात आली. बॉम्बशोधक पथक घटनास्थळी दाखल झाले. बॉम्ब शोधक पथकाकडून बॅगची तपासणी करण्यात आली. या बॅगेबद्दल पोलिसांनी परिसरातील नागरिकांनी माहिती दिली.
मुंबईचा हा भुलेश्वर परिसर अत्यंत वर्दळीचा परिसर आहे. याच परिसरात ही बॅग सापडल्याने तपास यंत्रणा अलर्ट मोडवर आल्या. ही बॅग नक्की कोणी आणून ठेवली, याचाही शोध घेतला जात आहे. मोठ्या संख्येने पोलिस घटनास्थळी दाखल झाले आहेत. पोलिसांकडून पूर्ण परिसर रिकामा करण्यात आला आहे. याबाबत बोलताना पोलिसांनी म्हटले की, अगोदर आम्ही तपास करत आहोत.
