फ्रिजमध्ये दहा रुपयांचं नाणं काय ठेवलं जातं?Image Credit source: टीव्ही 9 मराठी
अनेकदा असं होतं की लाईट गेल्यामुळे तुमच्या घरातील फ्रिजचं कुलिंग कमी होतं आणि त्यामध्ये असलेले अन्नपदार्थ खराब होतात. आपण कुठे बाहेर फिरण्यासाठी जाणार असू तर आपण घरात जेवढे काही अन्नपदार्थ किंवा इतर वस्तू आहेत, त्या सुरक्षित राहाव्यात उष्णतेमुळे खराब होऊ नयेत, यामुळे आपण त्या सर्व गोष्टी फ्रिजमध्ये ठेवतो आणि बाहेर जातो. मात्र जेव्हा आपण बाहेर गावी असतो, किंवा कुठे कामानिमित्त बाहेर गेलेलो असेल, तेव्हा देखील लाईट जाऊ शकते, अशावेळी लाईट जर जास्त वेळ गेली तर फ्रिजचं कुलिंग कमी होतं, बर्फाचं पाणी होतं आणि आपले अन्नपदार्थ देखील खराब होतात.
आपण कोणतीही वस्तू फ्रिजमध्ये का ठेवतो, तर त्याचं महत्त्वाचं कारण म्हणजे तुम्ही एखादा खाद्यपदार्थ जर फ्रिजमध्ये न ठेवता तो उघड्यावर ठेवला तर त्याच्यामध्ये बॅक्टेरियांची वाढ झपाट्याने होते, आणि तो अन्नपदार्थ खाण्यायोग्य राहत नाही. खराब होतो. दमट वातावरण हे बॅक्टेरियांच्या वाढीसाठी पोषक असतं, त्यामुळे अन्नपदार्थ लवकर खराब होतात, परंतु अती थंड वातावरणात अन्नपदार्थांमध्ये बॅक्टेरियांची वाढ होऊ शकत नाही, त्यामुळे अन्नपदार्थ अनेक दिवस ताजे राहतात, त्यामुळे लोक अन्नपदार्थ फिजमध्ये ठेवतात. परंतु अनेकदा असं देखील होतं की, लाईट गेल्यामुळे फ्रिजचं टेंपरेचर वाढतं, त्यामुळे देखील अन्नपदार्थ खराब होऊ शकतात. आता आपण आपल्या मुळ मुद्द्यावर येऊयात, फ्रिजमध्ये आजकाल लोक बर्फाच्या ग्लासमध्ये दहा रुपयांचं नाणं का ठेवतात?
ही एक सोपी ट्रीक आहे, एक पाण्याने भरलेला ग्लास घ्या, त्याचा बर्फ होण्यासाठी तो फ्रिजमध्ये ठेवून द्या, जेव्हा ग्लास पूर्णपणे बर्फाने भरला जाईल, तेव्हा त्या बर्फाने भरलेल्या ग्लासवर एक दहा रुपयाचं नाणं ठेवा. आता तुम्ही जेव्हा कुठेही बाहेर जाल तेव्हा जर अचानक तुमच्या फ्रिजची लाईट गेली तर त्याची माहिती तुम्हाला मिळू शकते, त्यावरून तुम्ही हे देखील ठरवू शकता की, तुम्ही जे फ्रिजमध्ये ठेवलेले पदार्थ आहेत, ते खाण्यायोग्य राहिले आहेत की नाही? समजा ते दहा रुपयाचं नाणं हे बर्फावर सर्वात वरच असेल तर समजून जा तुमच्या फ्रिजचं तापमान थोडं देखील कमी झालं नव्हतं, आणि तुमच्या फ्रिजमधील सर्व पदार्थ हे खाण्यायोग्य आहेत.
मात्र जर ते दहा रुपयांचं नाणं हे त्या ग्लासाच्या मध्यभागी असेल तर समजून जा की वीज गेल्यामुळे तुमचं फ्रिज हे काही काळ बंद होतं, अशावेळी तुम्ही फ्रिजमध्ये जे अन्नपदार्थ ठेवले आहेत, ते खाण्यायोग्य आहेत की नाही? हे नीट काळजीपूर्वक तपासूनच मग खा. परंतु जेव्हा दहा रुपयांचं नाणं हे पूर्णपणे ग्लासच्या तळाशी असेल तर अशावेळी फ्रिजमधील जे लवकर खराब होतात, असे अन्नपदार्थ खाण्याची रिस्क घेऊ नका. सध्या ही ट्रिक प्रचंड प्रमाणात व्हायरल होत असून, अनेकजण हा प्रयोग करताना दिसून येत आहेत.
