15 Jun 2026 12:55 PM (IST)
शक्तीपीठ जोडताय तर पंढरपूर का जोडत नाही- जयंत पाटील
“शक्तीपीठ जोडताय, तर पंढरपूर का जोडत नाही?” जयंत पाटलांचा सवाल… ‘शक्तीपीठ आहे का शेतकऱ्याच्या शक्ती. काढण्याचा शक्तीहीन मार्ग’… कामेरीतील शक्तीपीठ. एल्गार मेळाव्यात जयंत पाटलांची टीका…
15 Jun 2026 12:45 PM (IST)
निमंत्रण पत्रिकेत शिंदेंचं नाव का नाही याविषयी कल्पना नाही- गणेश नाईक
निमंत्रण पत्रिकेत शिंदेंचं नाव का नाही याविषयी कल्पना नाही.. नवी मुंबई पालिका आयुक्तांना याविषयी विचारा… नवी मुंबई पालिका कार्यक्रमाच्या निमंत्रण पत्रिकेत एकनाथ शिंदेंचं नाव नसल्याच्या मुद्द्यावर मंत्री गणेश नाईकांची प्रतिक्रिया…
15 Jun 2026 12:30 PM (IST)
ऑपरेशन टायगर करण्याची आम्हाला गरज नाही-शिरसाट
ऑपरेशन टायगर करण्याची आम्हाला गरज नाही…. स्वत:चे आमदार सांभाळण्यासाठी बैठक घ्यावी लागते हे दुर्दैव…. ऑपरेशन टायगरबाबत संजय राऊतांच्या विधानावरुन संजस शिरसाटांचा निशाणा….
15 Jun 2026 12:15 PM (IST)
जिवंत असेपर्यंत महामंडळ बंद होऊ देणार नाही- जरांगे
जिवंत असेपर्यंत महामंडळ बंद होऊ देणार नाही… मराठा समाजासाठी मराठा-कुणबी स्वतंत्र मंत्रालय असणं आवश्यक… मनोज जरांगेंची प्रतिक्रिया..
15 Jun 2026 11:51 AM (IST)
विमानतळ बंद होतात तर बांधतात कशासाठी? शर्मिला ठाकरेंचा सवाल
विमानतळ बंद होतात तर बांधतात कशासाठी? शर्मिला ठाकरेंचा सवाल. पक्ष फोडण्यापेक्षा तुम्ही तुमची मुलं मोठी करा असं शर्मिला ठाकरे यांनी सुनावलं. शर्मिला ठाकरे हस्ते महिलांना घरघंटी वाटपाचा कार्यक्रम. राज ठाकरे यांच्या वाढदिवसानिमित्त उपक्रम.
15 Jun 2026 11:44 AM (IST)
नागपूरच्या पाचपावली परिसरात एकाच दिवशी चार घरफोड्यांच्या घटना उघडकीस
चोरट्यांनी घरांमधील लाखो रुपयांची रोकड, दागिने आणि इतर मौल्यवान वस्तूंवर हात साफ केला. सलग घडणाऱ्या चोरीच्या घटनांमुळे परिसरातील नागरिकांमध्ये भीतीचे वातावरण. प्रकरणाचा तपास तहसील पोलीस करत असून आरोपींचा शोध सुरू. पोलिसांकडून परिसरातील सीसीटीव्ही फुटेजची तपासणी करण्यात येत आहे. मात्र अद्याप चोरट्यांचा कोणताही ठोस सुगावा लागलेला नाही. नागरिकांची परिसरात रात्रीची गस्त वाढविण्याची मागणी. आरोपींना लवकरात लवकर अटक करून चोरीच्या घटनांवर आळा घालण्याची मागणी होत आहे.
15 Jun 2026 11:32 AM (IST)
शेतकऱ्यांच्या प्रश्नांसाठी संभाजीनगरमध्ये काँग्रेस आक्रमक
शेतकऱ्यांच्या विविध मागण्यांसाठी काँग्रेसचा गेल्या अर्धा तासांपासून रास्तारोको. काँग्रेसने अर्ध्या तासांपासून संभाजीनगर जालना महामार्ग रोखून धरला आहे. शेतकऱ्यांच्या प्रश्नांसाठी संभाजीनगरमध्ये काँग्रेस आक्रमक. खासदार कल्याण काळे यांच्या नेतृत्वात काँग्रेसचे आंदोलन सुरू. संभाजीनगर जालना रस्त्यावरील कॅब्रिज चौकात वाहतुकीचा खोळंबा.
15 Jun 2026 11:14 AM (IST)
एकनाथ शिंदे यांचं नाव वगळण्यावर गणेश नाईक यांनी काय उत्तर दिलं?
नवी मुंबई महानगर पालिकेच्या कार्यक्रम पत्रिकेवरून एकनाथ शिंदे यांचं नाव वगळण्यात आलं आहे. त्याबद्दल वनमंत्री गणेश नाईक यांना विचारलं असता ‘मला त्याची कल्पना नाही. आपण महापालिका आयुक्तांना विचार’ असं गणेश नाईक म्हणाले.
15 Jun 2026 11:11 AM (IST)
मुंबई महानगरपालिकेच्या शाळांमध्ये आजपासून नव्या शैक्षणिक वर्षाची सुरुवात
मुंबई महानगरपालिकेच्या शाळांमध्ये आजपासून नव्या शैक्षणिक वर्षाची सुरुवात होतेय. विविध ठिकाणी प्रवेशोत्सवाचे आयोजन करण्यात आले आहे. भायखळा पूर्व येथील मनपा माध्यमिक शाळेत आयोजित प्रवेशोत्सव कार्यक्रमाला राज्यपाल विष्णू देव वर्मा यांची विशेष उपस्थिती पाहायला मिळत आहे. नव्याने शाळेत दाखल होणाऱ्या चिमुकल्या विद्यार्थ्यांचे स्वागत स्वत: राज्यपालांच्या हस्ते करण्यात येणार आहे.मनपा शाळांमधील विद्यार्थ्यांना प्रोत्साहन देणे आणि शिक्षणाबाबत सकारात्मक वातावरण निर्माण करणे हा या कार्यक्रमामागील उद्देश आहे.
15 Jun 2026 10:55 AM (IST)
आज जिल्हा परिषद शाळा या मॉडेल होत आहेत- सुनेत्रा पवार
“उन्हाळी सुट्ट्यानंतरचा शाळेचा पहिला दिवस मी कधीच चुकवला नाही. शिक्षणक्षेत्राशी माझा आधीपासूनच संबंध आहे. त्यामुळे शाळा ही माझ्या जिव्हाळ्याची बाब आहे. शाळेचा पहिला दिवस म्हटलं की रडारड सुरु व्हायची. शिक्षणासाठी विद्यार्थ्यांना प्रलोभनं दाखवली जातात. ही उज्वल भविष्याच्या दृष्टीने दाखवलेली चांगली प्रलोभने असतात. अजित दादांची मनोमन इच्छा असायची. शाळा असो की शासकीय कोणतीही इमारत ती दर्जेदार असायला हवी. हा त्यांचा अट्टाहास आणि कल असायचा. म्हणूनच आज जिल्हा परिषद शाळा या मॉडेल होत आहेत, इथं दर्जेदार शिक्षण मिळू लागलंय. पुस्तकी ज्ञानासोबत प्रत्यक्ष प्रात्यक्षिकांतून शिक्षण देण्यासाठी आपण अत्याधुनिक लॅब उभारल्यात,” असं सुनेत्रा पवार म्हणाल्या.
15 Jun 2026 10:42 AM (IST)
आम्ही शाळेत जाताना रडायचो, आता मुलं हसत शाळेत येतात- संजय शिरसाट
“आमच्या वेळेस वेगळी परिस्थिती होती, आता वेगळी परिस्थिती आहे. आम्ही शाळेत जाताना रडायचो, आता मुलं हसत हसत शाळेत येत आहेत. मुलांना जे वाटतं ते करू द्या, त्यांच्यावर बंधनं टाकू नका. ही शाळा गरीब विद्यार्थ्यांची आहे,” असं संजय शिरसाट म्हणाले. छत्रपती संभाजीनगरच्या सातारा जिल्हा परिषद शाळेत विद्यार्थ्यांचा प्रवेश उत्सव उत्साहात पार पडला. या विद्यार्थ्यांच्या स्वागतासाठी पालकमंत्री संजय शिरसाट कार्यक्रमाला उपस्थित होते.
15 Jun 2026 10:35 AM (IST)
पनवेलच्या वहाळमधील जिल्हा परिषद शाळेत मुख्यमंत्री फडणवीसांकडून शिक्षकांचं कौतुक
राज्यभरात आजपासून शाळांना सुरुवात झाली आहे. पनवेलच्या वहाळमधील जिल्हा परिषद शाळेत मुख्यमंत्री देवेंद्र फडणवीस पोहोचले. यावेळी त्यांनी शिक्षणपद्धती आणि शिक्षकांचं कौतुक केलं. जिल्हा परिषदेतील शाळांचं शिक्षण हे ९० टक्के खाजगी शाळांपेक्षा चांगलं असल्याचं ते म्हणाले.
15 Jun 2026 10:26 AM (IST)
मनोज जरांगे पाटील यांनी कोल्हापूरच्या अंबाबाईचं घेतलं दर्शन
मनोज जरांगे पाटील यांनी कोल्हापूरच्या अंबाबाईचं दर्शन घेतलं. दर्शनानंतर माध्यमांशी बोलताना जरांगे म्हणाले,”सरकारला गॅझेटियरबाबत सदबुद्धी येऊ देत. सरकार आता सातारा गॅझेटवर काम करतंय. त्याचप्रमाणे राज्यात पाऊस लवकर पडू दे आणि बळीराजा सुखी होऊ देत.”
15 Jun 2026 10:15 AM (IST)
डोंबिवलीच्या सांदप गावात क्रिकेटच्या वादातून शिवसेना शिंदे गटातच राडा
डोंबिवलीच्या सांदप गावात क्रिकेटच्या वादातून शिवसेना शिंदे गटातच राडा झाला आहे. शाखाप्रमुख विरुद्ध उपजिल्हाप्रमुख असा हा वाद झाला असून क्रिकेटच्या मैदानावरील वाद थेट रक्तरंजित हाणामारीपर्यंत पोहोचला आहे. कार अडवून फायटरने जीवघेणा हल्ला केला आहे. २५ ते ३० जणांच्या टोळीने मारहाण केल्याचा शाखाप्रमुख विनोद पाटील यांचा आरोप आहे. तर कार अंगावर घालण्याचा प्रयत्न केला असून क्रिकेट बॅटने मारहाण आणि दादागिरी केल्याचा उपजिल्हाप्रमुख प्रथमेश पाटील यांचा प्रतिआरोप आहे. शाखाप्रमुख विनोद पाटील गंभीर जखमी असून त्यांच्यावर खाजगी रुग्णालयात उपचार सुरू आहेत. मानपाडा पोलीस ठाण्यात दोन्ही गटांविरोधात परस्परविरोधी गुन्हे दाखल झाले आहेत.
15 Jun 2026 10:08 AM (IST)
पैसे द्या, मत घ्या.. अशा निवडणुका महाराष्ट्रात होत आहेत- काँग्रेस नेते सुनील देशमुख
“या विधान परिषदेच्या निवडणुका कशा होत आहेत, हे सर्वांनाच माहित आहे. पैसे दे आणि मत घे.. अशा निवडणुका पूर्ण महाराष्ट्रात आहेत. पैसे द्यायचे आणि मत घ्यायचं. या निवडणुकीत डिजिटल प्रचाराला स्थान नाही. आज सायंकाळी काँग्रेसची बैठक आहे, त्यात वंचितला पाठिंब्यासंदर्भात निर्णय घेऊ. बाजोरिया निवडणुकीच्या मैदानात असते तर भाजपची 70 टक्के मतं फुटली असती. बाजोरियाचा फॉर्म रद्द करण्यासाठी भाजपने पूर्ण ताकद लावली,” असे आरोप काँग्रेस नेते सुनील देशमुख यांनी केले.
15 Jun 2026 09:50 AM (IST)
काँग्रेसचे उमेदवार हर्षजीत देशमुख प्रचारात उतरणार
अमरावती विधान परिषद; काँग्रेसचे उमेदवार हर्षजीत देशमुख प्रचारात उतरणार हर्षजित देशमुख डिजिटल प्रचार करणार. त्यामुळे काँग्रेस कडून वंचितला पाठिंबा देण्याची चर्चा रखडल्याची सूत्रांची माहिती. तीन दिवसांपूर्वी वंचित आणि काँग्रेसमध्ये बैठक परंतु पाठिंब्याबाबत अजूनही निर्णय नाही.
15 Jun 2026 09:40 AM (IST)
आयुक्त तुकाराम मुंढे यांच्या आदेशानंतर धाराशिव जिल्ह्यात खव्यानंतर आता दूध डेरीवर दुधाची तपासणी
धाराशिव जिल्ह्यातील कळंब येथील प्रसिद्ध मराठवाडा डेअरी मध्ये दुग्धजन्य पदार्थाचे घेतले नमुने. जिल्ह्यात अनेक नामांकित दूध उत्पादक केंद्रातील घेण्यात आले दुधाचे नमुने. कळंब येथील मराठवाडा डेअरी मधील दही, आईस्क्रीमच आणि दुधाचे घेतले नमुने. खव्यानंतर दूध डेरीकडे अन्न व प्रशासन विभागानी वळवलेल्या मोर्चामुळे आता धाराशिव जिल्ह्यातील भेसळ करणाऱ्या दूध डेअरी चालकांचे धाबे दणाणले आहेत
15 Jun 2026 09:30 AM (IST)
धाराशिव-लातूर-बीड विधानपरिषद मतदारसंघात आमदार तानाजी सावंत यांच्या भूमिकेवर प्रश्नचिन्ह
विधान परिषद निवडणुकीच्या पार्श्वभूमीवर तानाजी सावंत यांनी नगरपालिका, जिल्हा परिषद आणि पंचायत समिती सदस्यांची पुणे येथे घेतली बैठक. मतदारसंघात न येता सदस्यांना पुण्यामध्ये बोलावून सावंतांच्या बैठका. नुकत्याच पार पडलेल्या नगर पालिका आणि जिल्हा परिषद निवडणुकीत तानाजी सावंत यांनी महायुतीविरोधात घेतली होती स्वतंत्र्य भूमिका. तानाजी सावंत काय भूमिका घेणार? कार्यकर्त्यांमध्ये तर्क-वितर्क मतदान अवघ्या काही दिवसांवर असताना सावंत यांची पुढील भूमिका काय असेल, याकडे महायुतीसह विरोधकांचेही लक्ष
15 Jun 2026 09:20 AM (IST)
जळगावात सुवर्ण व्यावसायिकाची 18 लाखांत फसवणूक
जळगावात सुवर्ण व्यावसायिकाची १८ लाखांत फसवणूक झाल्याची घटना समोर. तारण ठेवलेल्या १९८ ग्रॅम सोन्यावरील १९ लाख रुपये कर्ज आहे, ‘तुम्ही १९ लाख रुपये द्या व दागिने मोडून घ्या असे आमिष दाखवून केली फसवणूक. याप्रकरणी शनिपेठ पोलीस ठाण्यात फसवणुकीचा गुन्हा दाखल असून ओम संजय महाजन असे गुन्हा दाखल झालेल्या तरुणाचे नाव आहे. कृष्णा भगवान शिंदे असे फसवणूक झालेल्या सराफ व्यावसायिकाचे नाव आहे. आणखी इतर ३ ते ४ सराफा व्यावसायिकांची अशाच प्रकारे लाखोंची फसवणूक केल्याची शक्यता पोलिसांकडून व्यक्त.
15 Jun 2026 09:08 AM (IST)
देवेंद्र फडणवीस, एकनाथ शिंदे आणि सुनेत्रा पवार साधणार विद्यार्थ्यांशी संवाद
राज्यात मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा पवार या विद्यार्थ्यांसोबत आज संवाद साधणार आहेत. आजपासून राज्यात शाळांना सुरूवात झाली. याच पार्श्वभूमीवर ते विद्यार्थ्यांसोबत संवाद साधणार आहेत.
15 Jun 2026 09:05 AM (IST)
सातारा-पंढरपूर महामार्गावरील आणखी धोकादायक स्पॉट समोर
माळशिरसमधील भीषण अपघातानंतर सातारा-पंढरपूर महामार्गावरील आणखी धोकादायक स्पॉट समोर. याच महामार्गावरील पिलीव गावातून जाणाऱ्या कालव्यावर कठडे नसल्याने ग्रामस्थ धोकादायक प्रवास करतायत.
15 Jun 2026 08:54 AM (IST)
पाकिस्तानसोबत चर्चेचे पर्याय खुले ठेवायला हवेत – मोहन भागवत
पाकिस्तानसोबत चर्चेचे पर्याय खुले ठेवायला हवेत, पूर्णपणे बंद करू नयेत असं सरसंघचालक मोहन भागवत म्हणाले. भागवत यांच्याकडून सरकार्यवाह दत्तात्रय होसबळेंच्या वक्तव्याचं समर्थन.
15 Jun 2026 08:39 AM (IST)
पुणे – नवीन विद्यार्थ्यांवर शाळेच्या वतीने फुलांची उधळण , पुस्तक आणि खाऊ देऊन स्वागत
२०२६-२७ नवीन शैक्षणिक वर्षाची आजपासून सुरुवात. प्रदिर्घ उन्हाळी सुट्ट्यांनतर नंतर राज्यातील शाळा आज पासून सुरू झाल्या आहेत. शाळेमध्ये येणाऱ्या विद्यार्थ्यांमध्ये उत्साहाचं वातावरण पाहायला मिळत आहेत. खूप दिवसानंतर मित्र-मैत्रिणींना आणि शिक्षकांना भेटल्यानंतर आज आनंद होत आहे अशी भावना विद्यार्थी व्यक्त करत आहेत. विद्यार्थ्यांचं स्वागत करण्यात येत आहे.
15 Jun 2026 08:18 AM (IST)
धाराशिव मधील प्रसिद्ध मातोश्री बिर्याणी हाऊसची अन्न व औषध प्रशासनाच्या पथकाकडून तपासणी
धाराशिव मधील प्रसिद्ध मातोश्री बिर्याणी हाऊसची अन्न व औषध प्रशासनाच्या पथकाकडून तपासणी करण्यात आली. चार दिवसांपूर्वी बिर्याणीमध्ये मेलेले झुरळ निघाले होते.
FDA च्या चार जणांच्या पथकांकडून मातोश्री हॉटेलच्या मुख्य शाखेतील स्वच्छतेची कसून तपासणी करत बिर्याणीचे नमुने घेण्यात आले. सहआयुक्त कार्यालयाकडे तपासणी अहवाल पाठविण्यात आल्याचीही माहिती समोर आली आहे. मातोश्री हॉटेल मालकाला अन्न औषध प्रशासनाकडून नोटीस देण्यात आली.
15 Jun 2026 08:09 AM (IST)
सरकारी कार्यालयांचे फेरे टाळण्यासाठी स्थानिक शिवसेना शाखांमध्ये विशेष महाशिबिराचे आयोजन
सरकारी कार्यालयांचे फेरे टाळण्यासाठी स्थानिक शिवसेना शाखांमध्ये विशेष महाशिबिराचे आयोजन सुरू करण्यात आलं. कागदपत्र पडताळणी व नोंदणी प्रक्रिया एकाच ठिकाणी पूर्ण करण्याचा शिवसेनेचा मानस असून प्रत्येक नेत्याला जबाबदारी दिली . महाराष्ट्र प्रदूषण नियंत्रण मंडळाचे अध्यक्ष आणि शिवसेना सचिव सिद्धेश कदम यांनी १० 10लोकांना दाखले मिळवून दिले, कामकाजाची पाहणी केली. उपमुख्यमंत्री एकनाथ शिंदे यांच्या मार्गदर्शनाखाली जनसेवेचे अभियान मुंबईभर सुरू.
15 Jun 2026 08:06 AM (IST)
बीड – आष्टी शहरातील गणपती चौकात दुध वाहतूक करणारा पिकअप पलटी, शेकडो लिटर दूध वाया.
बीड – आष्टी शहरातील गणपती चौकात दुध वाहतूक करणारा पिकअप पलटी झाल्याने शेकडो लिटर दूध वाया गेलं. पिकअप पलटी झाल्याने चारजण किरकोळ जखमी, मात्र सुदैवाने कोणतीही जीवितहानी नाही. – तालुका दुध संघाकडे संकलीत केलेले दुध घेऊन जाताना घटना घडली. अनेक दिवसांपासून या परिसरातील रस्त्याचे काम संथ गतीने सुरू असुन लवकरात लवकर रस्त्याचे काम करण्याची मागणी होत आहे.
15 Jun 2026 08:04 AM (IST)
अमरावती विधान परिषद – काँग्रेसचे उमेदवार हर्षिजित देशमुख करणार डिजिटल प्रचार
अमरावती विधान परिषद; काँग्रेसचे उमेदवार हर्षिजित देशमुख प्रचारात उतरणार हर्षजित देशमुख डिजिटल प्रचार करणार आहेत. त्यामुळे काँग्रेसकडून वंचितला पाठिंबा देण्याची चर्चा रखडल्याची माहिती सूत्रांनी दिली.
