सध्या राज्यात शिवसेना उद्धव बाळासाहेब ठाकरे गटाचे माजी खासदार विनायक राऊत यांचे कुटुंबिय चांगलेच चर्चेत आहे. विनायक राऊत यांचा मुलगा गितेश राऊत यांची पत्नी गिरिजा राऊत यांनी पोलिसात तक्रार दाखल केली आहे. त्यांनी तक्रारीमध्ये अनेक धक्कादायक खुलासे केले आहेत. आता विनायक राऊत यांनी या प्रकरणात मोठा खुलासा केला आहे. त्यांनी गितेश यांची पत्नी सोबत राहत नसून तिने पैशांची मागणी केल्याचा धक्कादायक खुलासा केला आहे.
सूनेची पाच कोटी रुपांची मागणी
पत्रकार परिषदेत विनायक राऊत म्हणाले की, त्यांनी डिव्होर्सची याचिका गेल्या महिन्यात केली आहे. त्यात तडजोड करावी यासाठी दोन्ही वकिलांची बैठक झाली. थ्री बीचएचके फ्लॅट, टेरेस फ्लॅट, पाच कोटी मागितले. इलेक्ट्रिक कार मागितली. पुन्हा डीव्होर्सची नोटीस दिली. कौटुंबीक हिंसाचाराचा उल्लेख आहे. दर महिन्याला पाच लाख रुपये, कायमस्वरुपी दहा कोटी रुपये देण्याची मागणी गिरीजाने केली आहे.
पुढे ते म्हणाले, भावनात्मक त्रासापोटी नुकसानभरपाई दोन कोटी मागितली आहे. दहा कोटी अधिक दहा कोटी एकूण १२ कोटी मागितले. त्या शिवाय दर महा पाच लाख मागितली. गाडी मागितली. मागण्या मान्य होणार नाही माहीत झाल्यावर तिने खोटे आरोप केले आहेत. आता कोर्टात प्रकरण आहे. आम्ही कोर्टात गेलो आहोत. आम्ही इथेच राहत आहोत. ठाण्याच्या सेशन कोर्टात प्रकरण आहे. कापूरबावडी पोलीस ठाण्याला नोटीस बजावली आहे.
अघोरी पूजेच्या तक्रारीवर वक्तव्य
गिरिजा राऊत यांनी तक्रारीमध्ये अघोरी पूजेचा उल्लेख केला आहे. त्यांना जबरदस्तील अघोरी पुजेला बसवण्यात आल्याचे गिरिजा यांनी सांगितले आहे. त्यावर विनायक राऊत यांनी प्रतिक्रिया देत, अघोरी पूजेचं खंडन करतो. आम्ही त्या पंथातले नाही. आम्हाला ते मान्यच नाही. आईवडिल असताना अघोरी प्रकार कसे सहन केले. तिच्या आईवडिलांनी कसे सहन केले. न्याय देवता न्याय देईल अशी आशा आहे.
