इस्त्रायल आणि अमेरिकेने इराणवर 28 फेब्रुवारी 2026 रोजी मोठा हल्ला केला. यानंतर एकच मोठी खळबळ उडाली. ज्या ज्या देशात अमेरिकेचे लष्कर तळ आहेत, अशा ठिकाणी इराणकडून हल्ले करण्यात आली. इराणने अत्यंत घातकपणे या हल्ल्यांना उत्तर दिले. मात्र इराणकडून युद्ध सुरू होताच होर्मुज खाडी बंद करण्यात आली. होर्मुज खाडी बंद झाल्याने अनेक देशांना नाकी नऊ आली. भारतात देखील एलपीजीचा मोठा तुटवडा निर्माण झाला. पाकिस्तानमध्ये लॉकडाऊनही स्थिती आहे. यादरम्यान भारताच्या मदतीला रशिया धावून आला. होर्मुज खाडी इराणकडून बंद करण्यात आल्याने जाम लागला. पण इराणकडून दुसऱ्या मार्गाने भारतात कच्चे तेल पाठवण्यात आले. इराण आणि अमेरिकेच्या युद्धात जगातील अनेक देश होरपळताना दिसले. यादरम्यानच आता अमेरिकेकडून होर्मुज जवळ नाकेबंदी करण्यात आली. अमेरिका स्वत: ला महासत्ता म्हणून घेतो. मात्र, त्यांनाच या युद्धात मोठा धक्का बसला.
युद्ध कोणाचेही असो डोनाल्ड ट्रम्प युद्धात उडी मारतात. रशिया आणि युक्रेनच्या युद्धात डोनाल्ड ट्रम्प यांची भूमिका महत्वाची राहिली आहे. मात्र, अमेरिकेला ज्यावेळी त्यांच्या जवळच्या मित्रांची गरज होती, त्यावेळी एकही देश त्यांच्या मदतीला आला नाही. होर्मुज खाडीत त्यांनी काही देशांचे नाव घेत थेटपणे मदत मागितली. पण एकही देश त्यांच्या मदतीला आला नाही.
डोनाल्ड ट्रम्प यांनी बऱ्याचदा म्हटले की, मी नाटोवर नाराज आहे. नाटो देशही डोनाल्ड ट्रम्प यांच्या मदतीला आले नाहीत. फ्रेंच राष्ट्राध्यक्ष इमॅन्युएल मॅक्रॉन यांनी स्पष्टपणे सांगितले की, युरोपीय नौदलाची तैनाती अमेरिकेच्या आदेशाखाली नसेल, तर ती स्वतंत्रपणे कार्यरत राहील. ब्रिटन आणि फ्रान्स देखील अमेरिकेची साथ देताना दिसत नाहीत.
ब्रिटनलाही या युद्धात अमेरिकेने मदत मागितली होती. पण ब्रिटनकडूनही हातवर करण्यात आली. पाकिस्तानमधील अलीकडील चर्चा अयशस्वी झाल्यानंतर अमेरिकेने होर्मुजच्या जवळ नाकेबंदी केली. ट्रम्प यांनी याला सर्व राष्ट्रांवर केलेली कृपा म्हटले. युरोपीय मित्र राष्ट्रांचे नियोजित स्वतंत्र अभियान अमेरिकेसाठी एक मोठा धक्का आहे. युद्धात डोनाल्ड ट्रम्प कुठे ना कुठे एकटे पडल्याचे बघायला मिळत आहे.
