भारतीय बाजारपेठेत अनेक मोबाईल कंपन्या त्यांचे स्मार्टफोन लाँच करत असतात. अशातच मोटोरोला एज 70 प्रो+ ग्राहकांसाठी लाँच करण्यात आला आहे. या फोनमध्ये 50-मेगापिक्सलचा टेलीफोटो कॅमेरा सेन्सर, मीडियाटेक डायमेन्सिटी प्रोसेसर, 6500 mAh क्षमतेची पॉवरफूल बॅटरी आणि ट्रिपल रियर कॅमेरा सेटअप आहे. या फोनचा 12 GB रॅम आणि 256 GB स्टोरेज असलेला एकच व्हेरिएंट उपलब्ध आहे. या फोनची विक्री कंपनीच्या वेबसाइटसोबतच फ्लिपकार्टवर 11 जूनपासून सुरू होईल. मिलिटरी-ग्रेड मजबुती असलेला हा फोन धूळ आणि पाण्यापासून संरक्षणासाठी IP68 आणि IP69 रेटेड आहे. चला तर मग आजच्या लेखात आपण या फोनची किंमत आणि स्पेसिफिकेशन जाणून घेऊयात.
भारतात मोटोरोला एज 70 प्रो प्लसची किंमत
या नवीन मोटोरोला फोनच्या 12GB रॅम आणि 256GB स्टोरेज व्हेरिएंटची किंमत 47 हजार 999 रूपये आहे. या फोनवर 3 हजार रूपयांचा इन्स्टंट कॅशबॅक मिळत आहे आणि तुम्ही तुमचा जुना फोन एक्सचेंज डिस्काउंटसाठी बदलू शकता. या किंमत श्रेणीमध्ये, हा फोन नथिंग फोन (4a) प्रो, Ai+ नोव्हाफ्लिप 5G, गूगल पिक्सल 10a आणि ओप्पो रेनो14 5G सारख्या स्मार्टफोन्सशी स्पर्धा करतो.
या हँडसेटची विक्री 11 जूनपासून फ्लिपकार्ट आणि कंपनीच्या अधिकृत साइटवर सुरू होईल आणि तुम्ही हा हँडसेट पॅन्टोन स्टॉर्मी सी, पॅन्टोन चिकोरी कॉफी आणि पॅन्टोन झिनफंडेल या तीन रंगांच्या पर्यायांमध्ये खरेदी करू शकाल.
मोटोरोला एज 70 प्रो+ फिचर्स
ओएस आणि डिस्प्ले: हा फोन अँड्रॉइड 16 वर आधारित हॅलो यूआयवर चालतो. या हँडसेटमध्ये 6.8-इंचाचा 1.5के रिझोल्यूशनचा एक्सट्रीम अमोलेड डिस्प्ले आहे. तसेच या फोनमध्ये Hz रिफ्रेश रेट, HDR10+, 360Hz टच सॅम्पलिंग रेट, 5200 निट्सची कमाल ब्राइटनेस आणि वॉटर टच सपोर्ट आहे.
चिपसेट: हा हँडसेट 4nm मीडियाटेक डायमेन्सिटी 8500 एक्सट्रीम ऑक्टा-कोर प्रोसेसरद्वारे समर्थित आहे, ज्याचा AnTuTu स्कोअर 2400000 असल्याचा कंपनीचा दावा आहे. फोन थंड ठेवण्यासाठी यात व्हेपर कूलिंग सिस्टीम देखील आहे.
कॅमेरा: या फोनमध्ये ट्रिपल रियर कॅमेरा सेटअप आहे, ज्यामध्ये 50-मेगापिक्सलचा प्रायमरी सोनी LYT710 सेन्सर, 50-मेगापिक्सलचा पेरिस्कोप टेलीफोटो कॅमेरा आणि 50-मेगापिक्सलचा अल्ट्रा-वाइड-अँगल कॅमेरा समाविष्ट आहे. यात 50-मेगापिक्सलचा फ्रंट कॅमेरा आहे.
बॅटरी: या फोनमध्ये 6500mAh क्षमतेची बॅटरी आहे, जी 90W वायर्ड आणि 15W वायरलेस चार्जिंगला सपोर्ट करते. तसेच, यामध्ये 5W वायर्ड आणि वायरलेस रिव्हर्स चार्जिंगसारखी वैशिष्ट्येही या फोनमध्ये आहेत.
कनेक्टिव्हिटी: या फोनमध्ये 5G, 4G LTE, USB टाइप-C पोर्ट, ब्लूटूथ आवृत्ती 5.4, GPS आणि GLONASS सारखी कनेक्टिव्हिटी वैशिष्ट्ये आहेत. सुरक्षेसाठी, या हँडसेटमध्ये इन-डिस्प्ले फिंगरप्रिंट सेन्सर आहे.
