‘क्रिकेटचा देव’ म्हणून ओळखला जाणारा सचिन तेंडुलकर सोशल मीडियावर सतत काही ना काही फोटो आणि व्हिडीओ शेअर करत असतो. अलीकडेच त्याने आपल्या अधिकृत X (ट्विटर) हँडलवरून एक व्हिडीओ शेअर केला आहे. या व्हिडीओमध्ये तो गावातील मुलांनी बनवलेल्या एका ‘जुगाडू’ कारने प्रभावित झालेला दिसत आहे. व्हिडीओ शेअर करताना त्याने एक खास संदेशही लिहिला आहे. हा व्हिडीओ इंटरनेटवर व्हायरल होताच चाहत्यांनी त्यावर भरभरून प्रतिक्रिया दिल्या आहेत.
नेमका काय आहे व्हिडीओ?
सचिनने शेअर केलेल्या व्हिडीओमध्ये गावातील काही मुले जुगाड करून बनवलेली एक छोटी कार चालवताना दिसत आहेत. व्हिडीओत पाहू शकता की, ही गाडी लाकूड, लोखंडी सळ्या आणि चाकांच्या मदतीने तयार करण्यात आली आहे. एक मुलगा या जुगाडू कारवर बसला आहे आणि दुसरा मुलगा धावत तिला पुढे ढकलत आहे. दिसायला ही कार अत्यंत साधी आहे, परंतु तिची रचना आणि मुलांच्या कल्पकतेने सचिनचे मन जिंकले आहे. व्हिडीओमध्ये सचिन मुलांशी संवाद साधताना आणि त्यांचे कौतुक करताना दिसत आहे.
Driving through one of the many hidden corners of India, we stopped to check out a ‘car’ that didn’t come from a showroom, but from sheer imagination.
This is the kind of talent that doesn’t wait for perfect conditions, it finds a way to roll anyway. Bas mauka milna chahiye! pic.twitter.com/6QMlnwvyzx
— Sachin Tendulkar (@sachin_rt) May 11, 2026
सचिनने शेअर केला व्हिडीओ
सचिन तेंडुलकरने मुलांचा हा व्हिडीओ शेअर करताना कॅप्शनमध्ये, “भारताच्या अनेक दुर्गम कोपऱ्यांपैकी एका भागातून जात असताना, आम्ही एक अशी ‘कार’ पाहण्यासाठी थांबलो जी कोणत्याही0 शोरूममधून आली नव्हती, तर ती केवळ कल्पकतेचा नमुना होती. ही अशा प्रकारची प्रतिभा आहे जी अनुकूल परिस्थितीची वाट पाहत नाही, तर कोणत्याही परिस्थितीत पुढे जाण्याचा मार्ग शोधून काढते. फक्त संधी मिळायला हवी” असे म्हटले आहे.
चाहत्यांकडून कौतुकाचा वर्षाव
सचिनच्या या पोस्टने सोशल मीडियावर चाहत्यांची मने जिंकली आहेत. व्हिडीओच्या कमेंट्समध्ये लोक मुलांचे तोंडभरून कौतुक करत आहेत. काही युजर्सनी या मुलांना ‘भविष्यातील इंजिनिअर’ म्हटले आहे, तर काहींनी या कल्पकतेला ‘शानदार जुगाड’ म्हटले आहे.
