Boat कंपनीने Storm Call 4 आणि Ultimate Vogue 2 असे दोन नवीन स्मार्टवॉचेस लाँच केले आहेत. या दोन्ही मॉडेल्सचे मुख्य वैशिष्ट्य म्हणजे त्यांचा टाइप-सी फास्ट चार्जिंग सपोर्ट देण्यात आला आहे. तर याचा अर्थ असा की, तुम्ही हे नवीनतम स्मार्टवॉचेस तुमच्या फोनच्या टाइप-सी चार्जरने चार्ज करू शकता. यामुळे तुम्हाला वेगवेगळ्या उपकरणांसाठी वेगवेगळे चार्जर किंवा केबल्स घेण्याची गरज भासणार नाही. चला तर या टाईप सी चार्जर असलेल्या स्मार्टवॉचेसची किंमत किती आहे ते जाणून घेऊयात.
Storm Call 4 या वॉचची किंमत 1 हजार 599 रूपये आहे, तर Ultimate Vogue 2 ची किंमत 2 हजार 799 रूपये आहे. दोन्ही स्मार्टवॉचसाठी प्री-बुकिंग 29 मे रोजी कंपनीच्या अधिकृत वेबसाइटवर सुरू झाले असून, विक्री 12 जूनपासून सुरू होईल.
boAt Storm Call 4 Features
हे स्मार्टवॉच रोजच्या वापरासाठी डिझाइन केले आहे. यात 500 निट्सपर्यंत कमाल ब्राइटनेस असलेला 1.96-इंचाचा एचडी डिस्प्ले आणि नेव्हिगेशनसाठी एक कार्यात्मक क्राउन आहे. याला धूळ, घाम आणि पाण्यापासून संरक्षणासाठी IP68 रेटिंग दिले आहे. टाइप-सी चार्जिंग पोर्टसह, यात ब्लूटूथ कॉलिंग, आपत्कालीन एसओएस सपोर्ट, 12 दिवसांपर्यंतची बॅटरी लाइफ (वापरानुसार), अनेक आरोग्यविषयक वैशिष्ट्ये (हार्ट बीट, रक्तातील ऑक्सिजन, झोप आणि तणाव निरीक्षण) आणि 100 हून अधिक स्पोर्ट्स मोड्स देखील मिळतात.
boAt Ultima Vogue 2 Features
बोटच्या या स्मार्टवॉचमध्ये अधिक प्रीमियम लूकमध्ये डिझाइन केले आहे, ज्यामध्ये मेटॅलिक फ्रेम आणि बाहेरच्या प्रकाशात अधिक स्पष्ट दिसण्यासाठी सुधारित डिस्प्ले आहे. यात 1000 निट्सपर्यंतच्या पीक ब्राइटनेससह 1.96-इंचाचा AMOLED डिस्प्ले आहे. मेटॅलिक फ्रेमसह, यात IP68 रेटिंग (पाणी, धूळ आणि घामापासून संरक्षण), इमर्जन्सी SOS सपोर्ट, ब्लूटूथ कॉलिंग आणि 10 दिवसांपर्यंतची बॅटरी लाईफ (बॅटरीच्या वापरावर अवलंबून) यांसारखी वैशिष्ट्ये देखील आहेत.
