इराण आणि अमेरिका युद्धाला 20 दिवस होऊन गेले पण हे युद्ध काही थांबवण्याचे नाव घेत नाही. उलट अधिक घातक होत आहे. इराणकडून मोठा धक्का इस्त्रायलला देण्यात आला. जगातील सर्वात सुरक्षित शहर म्हणून बघितल्या जाणाऱ्या डिमोना या शहरावर मोठा हल्ला इराणकडून करण्यात आला. हा हल्ला इतका घातक आणि भयंकर होता की, याला रोखणेही इस्त्रायलला कठीण झाले. डिमोना हे इस्त्रायलच्या रेगिस्तानमध्ये बसलेलेल छोटे शहर आहे. शहर छोटे असले तरीही त्याची ओळख जगभरात आहे. येथेच इस्त्रायलचे मोठे परमाणू ठिकाण आहे. इस्त्रायलकडून जगातील सर्वात महागडी आणि आधुनिक हवाई सुरक्षा तैनात केली. एरो सिस्टम आणि आयरन डोम सर्वकाही तिथे आहे आणि जगातील सुरक्षित शहर म्हणून डिमोनाकडे बघितले जाते. असे सांगितले जात होते की, या शहरापर्यंत कोणते मिसाईलही पोहोचू शकत नाही. पण शनिवारी रात्री ज्याचा कोणी विचारही केला नाही असे डिमोना शहरात घडले.
इराणचे मिसाईल थेट डिमोनापर्यंत पोहोचले आणि एकच खळबळ उडाली. आता हे युद्ध चाैथ्या टप्प्यात पोहोचल्याचे बघायला मिळत आहे. यावरून कळत आहे की, या युद्धात इराण थकला नाही किंवा हारला नाही तर सतत फक्त लढत राहत आहे. इराणच्या IRGC यांनी एक निवेदन जारी केले. त्यांनी म्हटले की, शनिवारी रात्री उशिरा त्यांच्याकडून इस्त्रायलच्या उत्तरेकडील आणि दक्षिणेकडून भागात हल्ला करण्यात आला.
तीन प्रकारच्या मिसाईलच्या मदतीने त्यांनी हा हल्ला केला. फत्ताह इराणचे हायपरसोनिक मिसाईल आहे, त्याचा वेग कोणीही रूकू शकत नाही. काद्र आणि एमाद हे मिसाईलही इस्त्रायलवर टाकण्यात आली. इराणकडून दावा करण्यात आला आहे की, या हल्ल्यात 200 पेक्षा अधिक इस्त्रायली लोक मारले गेले आहेत. इस्त्रायलकडून इराणच्या या हल्ल्यात आपले 100 लोक जखमी झाल्याचे सांगण्यात आले.
मात्र, इराणकडून काही वेगळाच दावा करण्यात आला. या हल्ल्यानंतर बोलताना IRGC ने म्हटले की, युद्धाचे समीकरणे अत्यंत लवकर बदलत आहेत. यासोबतच त्यांनी दावा केला की, जगातील सर्वात सुरक्षित मानली जाणारी इस्त्रायलचे हवाई सुरक्षा आता कमकुवत झाली आहे. आता हल्ले रोखण्याची ताकद त्यांच्यात राहिली नाही.
