तुम्ही जर सेल्फी काढण्याचे खूप शौकीन असाल तर आजची बातमी खास तुमच्यासाठी आहे. कारण आजच्या लेखात आपण 50-मेगापिक्सलचा फ्रंट कॅमेरा सेन्सर असलेला सर्वात स्वस्त 5जी स्मार्टफोनबद्दल जाणून घेणार आहोत. तर या स्वस्त फोनचे नाव आहे Realme Narzo 90 5G. या फोनची किंमत काय आहे? 50-मेगापिक्सलच्या सेल्फी कॅमेरा सेन्सर व्यतिरिक्त या डिव्हाइसमध्ये आणखी कोणती वैशिष्ट्ये आहेत? चला जाणून घेऊयात.
Realme Narzo 90 5G ची भारतात किंमत
हा रियलमी स्मार्टफोन दोन व्हेरिएंटमध्ये तुम्हाला खरेदी करता येणार आहे. ज्यामध्ये 6GB रॅम आणि 128GB स्टोरेज असलेला व्हेरिएंट ॲमेझॉनवर 18 हजार 999 रूपयांना विकला जात आहे. त्यातील 8GB रॅम आणि 128GB स्टोरेज असलेला व्हेरिएंट 19 हजार 999 रूपयांना विकला जात आहे. या किंमत श्रेणीमध्ये हा रियलमी फोन मोटोरोला G96 5G, विवो T4x 5G आणि आयकू Z11x 5G सारख्या स्मार्टफोन्सशी स्पर्धा करतो.
हा फोन तुम्हाला कंपनीच्या वेबसाइटवर Realme.com वर आणि ॲमेझॉनवर कार्बन ब्लॅक आणि व्हिक्टरी गोल्ड या दोन रंगांच्या पर्यायांमध्ये खरेदी करता येणार आहे.
रियलमी नार्झो 90 5G वैशिष्ट्ये
बॅटरी: या फोनमध्ये 60W फास्ट चार्जिंग सपोर्टसह 7000mAh ची पॉवरफूल बॅटरी आहे. कंपनीचा दावा आहे की हा फोन 31 मिनिटांत 1 ते 50 टक्के चार्ज होऊ शकतो. याशिवाय हा फोन रिव्हर्स चार्जिंगलाही सपोर्ट करतो.
डिस्प्ले: या हँडसेटमध्ये 120Hz रिफ्रेश रेट आणि 240Hz पर्यंत टच सॅम्पलिंग रेट असलेली 6.57-इंचाची AMOLED स्क्रीन आहे. तसेच यात 4000 nits ची कमाल ब्राइटनेस आहे.
कॅमेरा: या फोनमध्ये मागील बाजूस 50-मेगापिक्सलचा वाइड-अँगल कॅमेरा, २-मेगापिक्सलचा मोनोक्रोम कॅमेरा सेन्सर आणि 50-मेगापिक्सलचा फ्रंट कॅमेरा सेन्सर आहे.
चिपसेट: वेग आणि मल्टीटास्किंगसाठी या हँडसेटमध्ये मीडियाटेक डायमेन्सिटी 6400 मॅक्स प्रोसेसर वापरण्यात आला आहे.
विशेष वैशिष्ट्ये: या फोनला पाणी आणि धुळीपासून संरक्षणासाठी IP69 रेटिंग मिळाले आहे.
