उन्हाळा सुरू होताच आपल्या प्रत्येकाच घरांमध्ये असे अनेक पारंपरिक पदार्थ बनवले जातात जे आपल्या शरीराला आतून थंड ठेवण्यास मदत करतात. असाच एक पदार्थ म्हणजे नाचणीची आंबील. जी उन्हाळ्यातील एक लोकप्रिय पदार्थ आहे. नाचणी अनेक पोषक तत्वांनी समृद्ध असल्यामुळे नाचणीची आंबीलचे सेवन करणे खूप पौष्टिक असते. ज्यामुळे ते तुमच्या पचनसंस्थेसाठी फायदेशीर ठरते. चला तर मग आजच्या लेखात आपण नाचणीची आंबील कशी बनवायची त्याची रेसिपी जाणून घेऊयात.
नाचणीचे पीठ शिजवून, ते आंबवून आणि नंतर ताकात मिसळून नाचणी आंबळी बनवली जाते. ते अधिक आरोग्यदायी बनवण्यासाठी त्यात सौम्य मसाले आणि हर्ब्स देखील मिक्स केले जातात. तसेच या आंबील मध्ये कांदे आणि हिरव्या मिरच्याही टाकल्या जातात, ज्यामुळे या अंबीलचे सेवन केल्याने उष्माघातापासून संरक्षण होते.
नाचणीची आंबील बनवण्यासाठी लागणारे साहित्य
1 कप नाचणी, 1 मध्यम आकाराचा बारीक चिरलेला कांदा, 3-4 हिरव्या मिरच्या (याही बारीक चिरलेल्या/चवीनुसार कमी-जास्त घालू शकता), थोडी चिरलेली कोथिंबीर, 8-10 कढीपत्ता, चवीनुसार मीठ, 1 छोटा चमचा भाजलेल्या जिऱ्याची पूड, नाचणी शिजवण्यासाठी 3 ते 3.5 कप पाणी लागेल.
नाचणीची आंबील कशी बनवायची?
सर्वप्रथम एका मोठ्या भांड्यात नाचणीच्या पिठात 2 कप पाणी टाका आणि मिश्रण चांगले मिक्स करा. पातळ पेस्ट तयार करा. सोबतच पिठात गुठळ्या राहणार नाहीत याची काळजी घ्या.
आता गॅसवर एक पातेले ठेवा आणि त्यात 1 ते 1.5 कप पाणी टाका. नंतर त्या पातेल्यात विरघळवलेले नाचणीचे पीठ टटाका.
हे मिश्रण सतत ढवळत शिजवा. जेव्हा ते थोडे घट्ट होईल, म्हणजेच त्याला मलईदार पोत येईल तेव्हा गॅस बंद करा.
आता एका मातीच्या भांड्यात पाणी भरा आणि त्यात तयार केलेले नाचणीचे मिश्रण टाक आणि या मातीच्या भांड्यावर झाकून ठेवा आणि रात्रभर आंबवण्यासाठी ठेवा.
सकाळी नाचणी हाताने चांगली कुस्करून त्याच पाण्यात मिसळा.
आता या मिश्रणात ताक मिक्स करा. तसेच इच्छित असल्यास तुम्ही या मिश्रणात फेटलेले दही देखील मिक्स करूशकता. पुन्हा एकदा मिश्रण व्यवस्थित ढवळून घ्या.
आता यात बारीक चिरलेला कांदा, हिरव्या मिरच्या, कढीपत्ता आणि कोथिंबीर टाका. यामुळे चव आणि पोषक तत्वांचे मिश्रण तयार होते.
मीठ आणि भाजलेल्या जिऱ्याची पूड मिक्स करून चांगले मिसळा आणि चिरलेल्या कोथिंबिरीने सजवून सर्व्ह करा.
नाचणीतील पोषक तत्वे
नाचणीची आंबील ही आंबवली असते, ज्यामुळे गूड बॅक्टेरिया वाढण्यास वाव मिळतो. जे आपल्या आतड्यांच्या आरोग्यासाठी फायदेशीर असतात आणि पचनक्रियेस मदत करतात. ताक देखील एक प्रोबायोटिक अन्न आहे. पबमेडनुसार नाचणीमध्ये कॅल्शियम, फायबर आणि फिनोलिक संयुगे चांगल्या प्रमाणात असतात. अनेक अँटीऑक्सिडंट्सने समृद्ध असल्यामुळे मधुमेहींसाठी हे एक फायदेशीर धान्य मानले जाते. हे वजन नियंत्रणातही उपयुक्त आहे. याव्यतिरिक्त हे तुमच्या आरोग्यासाठी इतर अनेक प्रकारे फायदेशीर आहे.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
