अलीकडेच मुंबई महापालिकेतून एक धक्कादायक माहिती समोर आली आहे. प्राथमिक माहितीनुसार मुंबई महापालिकेच्या स्थायी समितीत चोरीची घटना घडल्याचं उघडकीस आलं असून या घटनेनंतर परिसरात खळबळ उडाली.
ठाकरेंच्या सेनेतील नगरसेविका लक्ष्मी भाटिया यांच्या पर्समधून पैसे चोरी झाल्याचं सांगितलं जात आहे. लक्ष्मी भाटिया म्हणाल्या, “पर्स ठेवून जेवायला गेले असताना चोरी झाली.’ ‘CCTV नसल्यामुळे शहानिशा नाही,’ असं देखील लक्ष्मी भाटिया यांनी सांगितलं. त्यांच्या पर्समधून 20 हजारांची चोरी झाली असल्याचं त्यांनी नमूद केलं. आत स्थायी समिती अध्यक्ष यावेळी नेमकी काय भूमिका घेतात? हे पाहणं महत्त्वाचं ठरेल.
